।। ଆଗାମୀ ସଙ୍କେତ ।।
ମୁଁ ନଦୀ ହୋଇ ପାରନ୍ତି
କୂଳରେ ଥିବା
ଶୋଷିଲାଙ୍କ ପାଇଁ
ଅମୃତଧାରୀ ।।
ମୁଁ ମହୁମାଛି ହୋଇପାରନ୍ତି
ପରିଶ୍ରମ କରି
ସଞ୍ଚିଥିବା ଅମୃତକୁ
ବାଣ୍ଟି ଦିଅନ୍ତି
ନିଜ ଜୀବନ ବଦଳରେ ।।
ମୁଁ ଜନନୀ ହୋଇପାରନ୍ତି
ପଣତ କାନିରେ
ଘୋଡାଇ ରଖନ୍ତି
ସାରା ସଂସାରକୁ
ଦୁଃଖର ବାଦଲ
ଅପସରି ଯିବାଯାଏ ।।
ମଣିଷ ମୁଁ
ସବୁ ହେଇ ପାରିବି
କିଂତୁ ପାଲଟି ଯାଇଛି
ଅନ୍ଧ,ମୂକ,ବଧିର
ଅହଂକାରରେ
କିଛି ଦେଖୁନି
କିଛି ଶୁଣୁନି
କିଛି ଅନୁଭବ କରୁନି
ଧ୍ବଂସଲୀଳାରେ ମାତି ରହିଛି
ଅଥର୍ବ ହେବାଯାଏ ।।
*ସମାପ୍ତ*
No comments:
Post a Comment