।। ମଣିଷ ଗଛ ।।
ଆଶୁତୋଷ ମେହେର
ଗଛକୁ ଆମେ
ପ୍ରତିଦିନ ଦେଖୁଁ
ହେଲେ
ତା ଠୁଁ କିଛି ଶିଖୁନା ।
ଗଛଟା ଜନ୍ମ ନେଲା ଦିନ ଠୁଁ
କିଛି ନା କିଛି
ଦେଇ ଚାଲେ ।।
କାହାକୁ ଆଶ୍ରୟ
କାହାକୁ ଫଳ
କାହାକୁ ଫୁଲ
କାହାକୁ ପବନ
ତ,କାହାକୁ ମହକ ।
ମରିଗଲା ପରେ ବି
କାଠଗଡାଟା
ଚନ୍ଦନ ହୋଇ ଘୋରି ହେବା ଠୁଁ
ଯୁଇ ହୋଇ ଜଳିବା ଯାଏଁ ।
ହେଲେ ମଣିଷ ଗୁଡା
ଠିକ୍ ତା'ର ବିପରୀତ
ଜନ୍ମ ହେଲା ଠୁଁ ମରିବା ଯାଏଁ
ନିଜ ପାଇଁ ନେଇ ଜାଣିବା ଛଡା
ଅନ୍ୟକୁ କିଛି ଦେବାକୁ
ମନ ଧରେ ନା ।
ତେଣୁ ତ ମରିଗଲା ପରେ
ଆମ ଦେହଟା
ଅଦରକାରୀ ହୋଇଯାଏ ଯେ,
ନିଜ ଜ୍ଞାତି କୁଟୁମ୍ବ
ପୋତି ଦିଅନ୍ତି ତାକୁ
କି ପୋଡି ଦିଅନ୍ତି
ଦୁର୍ଗନ୍ଧରୁ ବର୍ତ୍ତିବା ପାଇଁ ।।
***********
No comments:
Post a Comment