।। କିଏ ସେ ।।
ଆଶୁତୋଷ ମେହେର
ସପନେ କିଏ ସେ ଆସେ?
ମନର ଗହନ ଖେତେ
ରଂଗ ସବୁଜିମା ଢାଳି
ଭୁରୁଭୁରୁ ବାସ ବାସେ!!
ସପନେ କିଏ ସେ ଆସେ?
ମନର ଅସୀମ-କାଶେ
ରଂଗ ପିଚକାରୀ ଧରି
ଇନ୍ଦ୍ରଧନୁ ଯେ ଆଂକେ !!
ସପନେ କିଏ ସେ ଆସେ?
ମନର ସାଗର ତୀରେ
ଚଳଚଂଚଳ ଢେଉ ମାଳ ସାଜି
ଶିହରଣ ଢାଳୁଥାଏ !!
ସପନେ କିଏ ସେ ଆସେ
ନିଦ ତୁଟି ଗଲେ
ଆଖିରେ ସିଏ ଯେ ନାଚେ !!
ବାସର ବାସନା,
ଓଠର ଲାଲିମା,
ଦେହର ପରଶ,
ସବୁ ପଛ କରି
କାନେ ଚୁପ୍ ଚାପ କହେ,
ଏଇ ତ ଜୀବନ ବଂଚିବା ପାଇଁ
ତୁମ ରାହା ଧରି ମୁଁ,
ତୁମ ସରହଦେ,
ସରିତା ହୋଇ ଯେ ବହେ !!
*ସମାପ୍ତ*
No comments:
Post a Comment